ЧЛЕНСТВО

Член на планинарскиот клуб „Љуботен“ може да биде секој кој доброволно пристапува и ги прифаќа целите и задачите на клубот. Во клубот можат да членуваат сите граѓани на Република Македонија, како и странски државјани.
Клубот брои околу шеесетина членови годишно, со континуирано учество на љубители на планинарството и активниот живот.

Годишната членарина изнесува 1200 денари за возрасни, односно 600 денари за лица под 18 години.
Со плаќање на членарината, секој член добива:

- Лично осигурување
- Членство во Федерацијата на планинарски спортови на Македонија (ФПСМ)
- Попуст во планинарските домови на Попова Шапка и Љуботен
- Попуст во сите планинарски домови низ Македонија и Европа

Членовите на клубот се собираат во просториите на клубот секој вторник и петок од 19:00 до 21:00 часот.
На состаноците активно учествуваат во:

- подготовка на настани и манифестации
- работа на проекти
- планирање на тековни активности
- развој на планинарскиот спорт

Клубот изработува годишна програма и календар на активности, кои опфаќаат различни видови на планинарски манифестации:

- Интерни активности – тури и искачувања наменети за членовите на клубот
- Локални манифестации – настани отворени за граѓаните и љубителите на планината
- Државни активности – учество и организација на настани на ниво на Македонија
- Меѓународни активности – соработка и учество со планинарски друштва од регионот и пошироко

Клубот активно работи со младите преку секции во:

- ОУ „А.С. Ќиќиш“ – Тетово
- СУЦ „Моша Пијаде“ – Тетово

Во овие секции се организираат активности насочени кон едукација, развој на планинарски вештини и градење љубов кон природата.