Шилиџе - Вртоп - Караниколичко езерo | 19-ти јули
Планинарскиот клуб „Љуботен“ – Тетово ве поканува на планинарската тура 🔹 Шилиџе - Вртоп - Караниколичко езерo🔹
Ги покануваме сите планинарски друштва и клубови, како и сите вљубеници во планината, да бидат дел од овој заеднички планинарски настан. ☀️⛰️
Со цел да се обезбеди високо ниво на безбедност и добра организација, во согласност со препораките на ФПСМ – Федерацијата на планинарски спортови на Македонија за организација на големи традиционални планинарски акции, сите заинтересирани друштва и клубови задолжително треба да се пријават преку формуларот за пријавување и изјава од координатор.
Со пријавувањето, учесниците стекнуваат статус на официјални учесници во организираната активност.
🗓️ ПРОГРАМА
06:00 часот – Поаѓање со комби превоз, пред просториите на Планинарски Клуб Љуботен.
🏔КАРАКТЕРИСТИКИ
с.Бродец (1060 м) - врв Шилиџе (2502 м) - врв Вртоп (2555 м) - Караниколичко Езеро (2200 м) - с. Вешала (1270 м)
Времетраење на турата од 10 до 12 часа.
Вкупно 27 km.
Висинска разлика во искачување 1800м D+
Висинска разлика во симнување 1600м D-
ℹ️ ИНФОРМАЦИИ
Транспортот ќе биде координиран од П.К. „Љуботен“ – Тетово. За транспортни трошоци секој учесник партиципира по 500 ден. Повратен билет со комби превоз.
Пријавувањето може да се изврши со пополнување/испраќање на формуларот најдоцна до 17.7.2026 год. (петок) до 14:00 часот.
🔗Формулар за пријава на линкот најдолу на странава
Контакт информации:
Игор - тел.бр. 078 380 508
e-mail: kontakt@pkljuboten.org.mk
ℹ️ ДОПОЛНИТЕЛНИ ИНФОРМАЦИИ
• Исхраната е во сопствена режија индивидуално предвидена за планинарска тура до 10-12 часа!
• За искачувањето потребна е соодветна планинарска опрема за во летни услови!
• Секој од учесниците треба да биде во добра здравствена и психофизичка кондиција!
• Сите индивидуални лица кои сакаат да учествуваат на настанот мора да се приклучат кон одредено друштво/клуб или организирано здружение!
• Организаторот го задржува правото за промена на програмата во зависност од временските услови!
• Планинарскиот Клуб „Љуботен“ не одговара за последиците кои би се случиле надвор од оваа програма, како и за учесници кои немаат пополнето / испратено образец / изјава за пријавување на настанот!
• Турата е кружна и затоа не се препорачува превоз со сопствени возила!
•Поради забрана за движење во шумски појас пријавувањето во НП е задолжително, со што Организаторот ќе ги пријави сите уредно пријавени учесници.
Се гледаме во недела! ☀️