Обучени нови волонтери-ренџери за заштита на Шар Планина
Успешно е реализирана активноста „Обука на волонтери-ренџери во НП Шар Планина“, во рамките на проектот „Искористување на потенцијалот: Одржлив туризам во Националниот парк Шар Планина“, поддржан од Prespa Ohrid Nature Trust – PONT 
.
Нови знаења и вештини за заштита на природата
Со голема мотивација, ентузијазам и посветеност, 10 волонтери успешно ја завршија обуката, преку која имаа можност да ги продлабочат своите знаења и да стекнат нови вештини поврзани со заштитата на природата.
Во текот на обуката, учесниците се запознаа со различни теми преку интерактивни предавања и практична работа, со цел подобра подготовка за нивниот иден ангажман на терен.
Подготвени за активности на терен
На завршниот настан, на новите волонтери-ренџери им беше доделена соодветна опрема по која ќе бидат препознатливи при нивното делување во Националниот парк „Шар Планина“ 
.
Истовремено, беа дадени насоки за нивната понатамошна работа и активно вклучување во активностите поврзани со зачувување и промоција на природните вредности на паркот.
Заедничка соработка за подобра заштита
Активноста беше реализирана во соработка со:
- Национален парк „Шар Планина“;
- Shara Mountain Info Center;
- Планинарски клуб „Љуботен“ – Тетово.
Само преку заедничка работа, едукација и активна вклученост можеме да создадеме подобри услови за зачувување на природното богатство на Шар Планина.
Продолжување на иницијативата
И во иднина ќе продолжиме со организирање на вакви обуки, со цел:
- зајакнување на капацитетите на Националниот парк „Шар Планина“;
- подигнување на свеста за заштита на природата;
- создавање силна мрежа на обучени волонтери-ренџери.
Новите волонтери ќе бидат важен дел од напорите за зачувување, заштита и унапредување на природните вредности на Шар Планина.
